ENSEMBLE CHŒUR3

Gränzübergryfend-dreisproochige Projäggtchor us Frankryych, Dütschland und dr Schwyz. zBaasel dehäime (CH).

in Zämmenarbet mit em CHŒUR3  e. V. Internationale Chorakademie im Dreiländereck (D) und dr MISSION VOIX ALSACE (F).

MURMURATIONS 2018

UNERKLÄRLICHS FÜR CHOR, PROJEKTION UND GLASHARFE

 

 

Stuune mit Auge und Oore: Staareschwärm fliege dur em Ralph Vaughan Williams si "Cloud Capp'd Towers", Böim wiege sich im Maurice Ravel sim "Trois beaux oiseaux du paradis", vierzig Stimme singe sWärgg "Spem in alium" vom Thomas Tallis, und über de Köpf vom Chor und vom Publikum entfalte sich riisigi Schwärm vo Vögel, vo Fisch, und au Menschemasse. Wärgg für Stimme und Gleeser, Klanglandschafte us Gedichtfätze und Wasser, in Zämmenarbet mit ere Videokünschtlerin und eme Glasharfespiiler, so will s Ensemble Choeur3 die Lyychtigkäit und Eleganz vo bewegte Natuurphänomeen mit Chormusig usem 12. bis 20. Joorhundert zämmebringe - überraschend, flüschternd, no nie eso ghört. "Murmurations" häisse uf änglisch die  unglaubliche Luftballett, wo groossi Staareschwärm in der Oobedämmerig uffiehre.

 

S musikalische Material vom Projäggt isch Täil vom Chorläiter-Mäischterkurs "Geste et Son - Klang und Geste" im Oktober 2018. MURMURATIONS wird im Novämber 2018 in Frankryych, Dütschland und der Schwyz ufgfiehrt, und räist Ändi Mäi 2019 nach Island.

 

 

Sunntig 18. Novämber 2018, 18 Uhr

Ludwigskirche, Freiburg im Breisgau (D)

 

Samschtig 24. Novämber 2018, 20 Uhr

Église St. Guillaume, Stroossburg (F)

  

Sunntig  25. Novämber 2018, 18 Uhr

Peterskirche Basel (CH)

 

Ensemble Choeur3   I   30 Stimme

Dieter Buchwalder   I   Glasharfe und Perkussion

Silvia Studerus   I   Videoprojektion

Mathias Schillmöller, Christoph Huldi & Abélia Nordmann   I   Konzeption

Abélia Nordmann   I   Musikalischi Läitig

 

In Zämmenarbet mit em KAMMERCHOR NOTABENE

Christoph Huldi   I   Läitig

 

 vokalensemblechoeur3@gmail.com

www.ensemblechoeur3.ch

 

--- 

 

S Projäggt 2017 ZWIELICHT. ENTRE CHIEN ET LOUP isch ermöglicht worde dur s Ministerium für Wissenschaft, Forschung und Kunst Baden-Württemberg,, s Kulturamt vo der Stadt Freiburg, der Swisslos Fonds Basel-Stadt, der Swisslos Fonds Basel-Land, d Stadt Lieschtel und DRAC Grand-Est.