UNERKLÄRLICHS FÜR CHOR, PROJEKTION UND GLASHARFE

Stuune mit Auge und Oore: Staareschwärm fliege dur em Ralph Vaughan Williams si "Cloud Capp'd Towers", Böim wiege sich im Maurice Ravel sim "Trois beaux oiseaux du paradis", vierzig Stimme singe sWärgg "Spem in alium" vom Thomas Tallis, und über de Köpf vom Chor und vom Publikum entfalte sich riisigi Schwärm vo Vögel, vo Fisch, und au Menschemasse. Wärgg für Stimme und Gleeser, Klanglandschafte us Gedichtfätze und Wasser, in Zämmenarbet mit ere Videokünschtlerin und eme Glasharfespiiler, so will s Ensemble Choeur3 die Lyychtigkäit und Eleganz vo bewegte Natuurphänomeen mit Chormusig usem 12. bis 20. Joorhundert zämmebringe - überraschend, flüschternd, no nie eso ghört. "Murmurations" häisse uf änglisch die  unglaubliche Luftballett, wo groossi Staareschwärm in der Oobedämmerig uffiehre.

S musikalische Material vom Projäggt isch Täil vom Chorläiter-Mäischterkurs "Geste et Son - Klang und Geste" im Oktober 2018. MURMURATIONS wird im Novämber 2018 in Frankryych, Dütschland und der Schwyz ufgfiehrt, und räist Ändi Mäi 2019 nach Island.

Sunntig 18. Novämber 2018, 18 Uhr

Ludwigskirche, Freiburg im Breisgau (D)

Samschtig 24. Novämber 2018, 20 Uhr

Église St. Guillaume, Stroossburg (F)

Sunntig  25. Novämber 2018, 18 Uhr

Peterskirche Basel (CH)

Ensemble Choeur3   I   30 Stimme

Dieter Buchwalder   I   Glasharfe & Perkussion

Silvia Studerus   I   Videoprojektion

Mathias Schillmöller, Christoph Huldi & Abélia Nordmann   I   Konzeption

Abélia Nordmann   I   Musikalischi Läitig

In Zämmenarbet mit em KAMMERCHOR NOTABENE

Christoph Huldi   I   Läitig 

s'Ensemble Chœur3  goot ins Zwüscheland vo dr blaue Stund und in Gränzruum zwüsche Nacht und Daag, ebe "zwüsche Hund und Wolf": Was bassiert in dr Dämmerig, im Übergang zwüsche de drei Länder, und — wie töönt s"Zwyyliecht"?
Wärgg für Chor a capella, Chor und Klavier, Klavier solo: vom Johannes Brahms, Franz Schubert und Robert Schumann (D), vom André Ducret (CH), vom Gabriel Fauré und Maurice Ravel (F), und au vom Ildebrando Pizzetti (I), Ériks Ešenvalds (LV) und Eric Whitacre (US).

Musikalischi Leityg  |  Christoph Huldi (CH)

Dramaturgie  |  Mathias Schillmöller (D/F) & Veronika Lévesque (CH)

Klavier  |  Isabelle Ast (F)

Liecht  |  Daniel Knipper & Louis Vaillant (F)

Samschtig, 28. Oktobr 2017, 18.32 Uhr

f. q. b. Stadtgärtnerei Freiburg i. Brsg. (D)

Sunntig, 29. Oktobr 2017, 18.03 Uhr

Museum Tinguely, Basel (CH)

Samschtig, 18. Novämbr 2017, 17.14 Uhr

Ehemalige Abfüllhalle des Ziegelhofareals Liestal (CH)

Sunntig, 19. Novämbr 2017, 17.01 Uhr

Centre de Réadaptation Mulhouse (F)

Ermöglicht durch das Ministerium für Wissenschaft, Forschung und Kunst Baden-Württemberg, das Kulturamt der Stadt Freiburg, den Swisslos Fonds Basel-Stadt, den Swisslos Fonds Basel-Land, die Stadt Liestal und durch DRAC Grand-Est.

d'LÉGENDE:LIBERTÉ widmet sich, das nit z'letscht us aktuellem Aalass, dr Thematik vom eewige Freihäitssträäbe vom Mensch und de Geegekräft wie Unterdruggig, Terror und Krieg. S'Ensemble Chœur3 erarbeitet unter dr Läitig vo dr Baasler Dirigäntin Abélia Nordmann e trinationaals Programm mit Wärgg vom Maurice Ravel, Francis Poulenc, Kurt Weill, Rudolf Mauersberger, Otto Kreis und Othmar Schoeck. Die Uffüehrende wie au s'Publikum gseen sich im Zeiche vonere um Freihäit ringende «Figure humaine» nach em Poulenc sym glyychnaamige Wärgg mit Frooge vo läämender Oonmacht konfrontiert — und das z'mitzt in surrealer Schönheit und luter Verzwyyflig. Zwüsche de Vokaalwärgg flackeret em Olivier Messiaen sy «Quatuor pour la fin des temps» uff. Dr Freiburger Regisseur Mathias Schillmöller inszeniert das Programm, wo mit Schwyzer Instrumentalischtinne und dütsch-französische Tänzerinne im’ne Schrei nach Freihäit e szenische Usdrugg findet.

Ensemble Chœur3  |  24 Stimme
Inès Morin  |  Violine
Diane Lampert  |  Cello
Polina Charnetckaia  |  Klavier

Junko Otani  |  Klarinette
Léa Thommen, Linda Pilar Brodhag  | Choreografie, Tanz
Mathias Schillmöller  |  Dramaturgie
Abélia Nordmann  |  Läitig

CFMI d´Alsace, Séléstat (F)
Sunntig, 28. Auguscht 2016

Peterskirche, Basel (CH)
Samschtig, 1. Oktobr 2016

Friedenkirche, Freiburg im Breisgau (F)
Sunntig, 2. Oktobr 2016

Unterstützt dur d'Abteilung Kultur Basel-Stadt wie au dur dütschi und französischi Partner.

Mit eme Wärggstattprogramm mit französischer Chormusig vom Maurice Ravel, Camille Saint-Saëns und Claude Debussy, aber au mit Bearbeitige vo Volkslieder wie die vom Francis Poulenc und Guy Ropartz goot sVokaal-Ensemble Chœur3 e-n-erschts Mool uf d'Büüni. Ganz im Sinn vo sim begeischternde Gründer und trybende Motor, em unerwartet verstorbene Hans Martin Beuerle, nimmt eso das trinationale Schiffli wider volli Fahrt uff.

S'nöie Ensemble Chœur3 isch im Auguscht 2015 dr Pilotchor vomene inschpirierende Meischterkurs (mit de Dozänte Catherine Fender und Raphael Immoos) in Kleebach im Vallée de Munster und singt im Septämbr 2015 Usschnitt us em Programm.

Dramaturgie: Mathias Schillmöller
Läitig | Abélia Nordmann

dGründig und sWärggstattkonzärt sinn vo dr Abteilig Kultur Basel-Stadt wie au vo dütschen und französische Paartner unterstützt worde.